Пандевци ги стартуваа тренинзи за доигрување на прекинатото првенство заради пандемијата со вирусот КОВИД-19. Според препораките и протоколите на ФФМ , денеска преку ,,Систина’’ се изврши медицински тестирања на фудбалерите, стручниот штаб и лицата кои се вклучени со првиот тим обезбедено од Синдикатот на фудбалери на Македонија. Тестирањето се вршеше во просториите на ФК Академијаа Пандев а три дена пред првиот меч ќе се направат нови тестирања преку Центарот за јавно здравје. Тренинзите во мали групи се одработуваа на теренот на спортскиот центар ,, Пандев’’.
Академија Пандев првенството по 23 кола го прекина на седмата позиција со вкупно 28 бода. На своето конто имаат седум победи, седум нерешени резултати и девет пораза. Според одлуката на комисијата за натпреварување при ФФМ ќе се доигра третиот круг мечеви по што првопласираните шест екипи ќе играат Плеј ОФФ за титула и излез во Европа а последните 4 екипи ќе играат Плеј аут но ќе нема испаѓање.
Продолжетокот на првенството се очекува да биде после 14 јуни. Академија Пандев во 24 коло ќе гостува на Струга па потоа го пречекува Шкупи. Во 26 коло ќе ги одмери силите со Вардар во Скопје а во последното коло домаќин ќе биде на Силекс. Пандевци се и меѓу четирите екипи од завршницата од Купот. Според правилата ќе се одигра само еден полуфинален меч и тоа на неутрален терен. Академија Пандев во полуфиналето од Купот игра со штипска Брегалница
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
