Пандевци ,,заборавија” како изгледа победа, пораз претрпеа и од Работнички на свој терен

228

Нов пораз на Академија Пандев во Првата фудбалска лига со што ја продолжија резултатска криза и се закотвија на претпоследната позиција на табелата. На свој терен загубија од Работнички со 2:0 во рамките на 13 тото коло и го регистрираа осмиот пораз во првенството со кој останаа на претпоследната позиција со вкупно 8 бода.

Работнички ја искористи најзрелата шанса во првото полувреме и преку Рушевиќ дојде до водство. Струмичани од 41 минута останаа и со играч помалку откако Бојан Димоски заработи два жолти картони. Во второто полувреме пандевци тргнаа пооагресивно и се закануваа по голот на Работнички но немаа среќа. На спротивната страна Алчевски одбрани две стопроцентни шанси на гостите кои во 74 минута преку Гандо дојдоа до водство од 2:0 откако топката се одби од статива.

Академија Пандев победа нема од 5 коло или од 31 август кога последен пат славеше над фенерџијата Скопје со 3:0. Победа имаа и над Работнички со 5:0 кој денеска се реваншираше. На своето конто струмичани имаат 2 победи, 2 меча со нерешен резултат ( со Силкес во Кратово  и со Победа во Прилеп) и 8 порази со гол разлика 12:15. Следното коло и гостуваат на Шкендија

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.