Откупувачите ветиле флексибилна и фер проценка на тутунот и дека ќе ги откупат сите количини, соопшти Владата

276

Постигната е заедничка согласност за поголема флексибилност при откупот на тутнот од годинашнава реколта, односно било договорено дека компаниите откупувачи ќе покажат конструктивен и флексибилен пристап во однос на проценката на квалитетот на тутунот, вклучувајќи и проценката за одбиток. Вака информираа од Владата по средбата на премиерот Зоран Заев и министерот за земјоделство шумарство и водостопанство Арјанит Хоџа со претставниците на овластените компании за откуп на тутунот бидејки денеска е крајониот рок за отворање на сите откупни места во државата

На средбата беше потенцирано како прифатлива заложбата да се врати довербата во утврдената постапка и да продолжи динамиката на откупот со подеднакви количини од сите категории тутун како обврска на тутунопроизводителите за да не се создава перцепција на ниска просечна цена заради појавата во првите денови на откупот кога производителите ги нудат само пониските категории тутун.

Во насока на оваа препорака беше истакнато дека откупувачите се согласија да ги прифатат понудените количини од производителите кои пак ќе бидат обврзани да нудат подеднакви количини од сите категории за да постигне повисока просечна цена и да не се чуваат залихи од поквалитетниот тутун

На средбата, сите компании откупувачи се согласија дека и оваа година ќе ја исполнат својата обврска да ги откупат сите количини на кои се обврзаа со државата, а со тоа и со тутунопроизводителите.

Дополнително се постигна согласност дека до крајот на сезоната, откако ќе заврши откупот на договорените количини за оваа година, ќе се откупи и целиот вишок и дека ниту еден лист тутун нема да остане кај тутунопроизводителите доколку тие за време на целиот откуп нудат подеднакви количини од сите категории од нивното производство.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.