Градежна механизација ангажирана од Општина Василево денеска го асфалтираше патот кој од Домот на културата води кон излезот на селото кон фабриката 11 ти Септември. Станува збор за локален пат кој после 30 години се асфалтира и е од витално значење за секојдневното живеење на граѓаните на општинскиот центар но и на општината.
Претходно на овој потег се работеше и Општината со свои средства постави фекална канализација и се пристапи кон системско решавање на инфраструктурата. Паралелно таму се гради и рекреативено детско катче како плод на соработката на Општината со ЛАГ Беласица Огражден. Како што објави градоначалникот улици и фекална канализација се очекува да добијат сите домакинства од Василево.
,,Целото населено место Василево е добие фекална канализација и асфалтирани улици. Централното подрачје на општинаата заслужува да има уредена инфраструктура. Ветеното го реализираме“ објави градоначалникот на Василево Славе Андонов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
