Општина Струмица ја привршува изградбата на патеката со ограда до третиот Габровски водопад каде ќе има платформа

2002

,,Овозможуваме уште една прекрасна дестинација за љубителите на природата’’ објави градоначалникот на Струмица Коста Јаневским информирајки дека реализацијата на проектот за уредување на локалитетот околу Габровскиот водопад тече според предвидената динамика. Станува збор за изградба на патека до третиот водопад кај Габрово, оплеменување на просторот и поставување на летниковци со маси, клупи за одмор а ќе има и платформа кај третиот водопад.

,,Просторот околу Габровските водопади веќе добива нов лик со активностите кои се во полн ек од дополнителното уредување кое започна на почетокот од овој месец. Ова уредување опфаќа проширување на патеката до третиот водопад, изведба на два моста, платформа и уредување на летниковците со маси и клупи,, напиша градоначалникот Коста Јаневски на својата ФБ страна.

Според проектот се проширува патеката до третиот водопад во должина од 740 метри и со ширина од 1,5 метри во карпестиот дел. Патеката ќе биде оградена а кај третиот водопад се планира да има и платформа. Средствата за реализација на овој проект се обезбедени од АФПРЗ во висина од 6,3 милиони денари

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.