Општина Струмица идната година планира да потроши 27 милиони евра- донесен Буџетот за 2023

390

Идната година општина Струмица планира да потроши 27 милиони евра или 1.642.012.000 денари. Вака е проектиран Буџетот на општина Струмица за 2023 години кој во споредба на годинашниов ребалнасиран е за 10 одсто поголем. Основниот Буџет на Струмица е позициониран на околу 13 милиони, блок дотациите од државата на околу 11,8 милионни евра додека останатиот дел ќе се прибираат од самофиинансирачки активности – околу 900 илјади евра а нешто поалку ќе бидат донациите.

,,Главен проект за идната година е Јавниот електричен превоз за кој одвоивме 12 милиони денари со кој Струмица ќе ја направиме единствена во државата со имплементиран ваков проект. Ова е историски момент. Ваквата додадена вредност на Струмица ќе ги охрабрува и идните градоначалници и советници да носат одлуки и реализираат големи проекти. Гордост за мене, за Советот и општинската администрација е фактот што денеска на 29 декември, обврските на Општина Струмица кон добавувачите се нула денари и тоа при сериозна реализација на капитални и оперативни расходи, што е реткост во државата. Ова е потврда дека одлуките на Советот биле продуктивни, но и потврда дека и во време на многу сериозна економска и енергетска криза, успеавме да менаџираме со парите на граѓаните и тоа на начин каков што тие заслужуваат,, објави градоначалникот на Струмица Костадин Костадинов.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.