Општина Струмица за 45 илјади евра набави 55 десктоп и лаптоп компјутери за вработени и членовите на Советот

558

Општина Струмица набави 32 десктоп и 23 преносни комјутери. Истите се набавени од фирмата ,,Боки комјутери” од Струмица за 2 742 550 денари или за околу 45 илјади евра. Ова фирма доставила најниска цена по распишната јавна набавка од општината во јануари а на која се јавила уште една компанија. Според информациите, декстоп комјутерите ќе бидат за потребите на општинската администрација, додека лаптопите се наменети за сите 23 члена на Советот на општина Струмица.

Согласно потпишаниот договор од почетокот на февруари, комјутерите треба да бидат доставени во општината во рок од 40 дена согласно спецификацијата приложена на јавната набавка. Според истата 10 десктоп компјутери треба да имаат процесор од генерација минимум 2020 година или понов, со минимум Passmark оценка од 17000 и  минимум 16 GB DDR4 non-ECC RAM меморија со минимална фреквенција од 2933Mhz

Останатите 22 десктоп комјутери  треба  да имаат процесор од генерација минимум 2020 година или понов, со минимум Passmark оценка од 12000  и  минимум 8 GB DDR4 non-ECC RAM меморија со минимална фреквенција од 2666Mhz.

Според спецификацијата, лаптопите  тие треба да бидат со процесор од генерација минимум 2020 година или понов, со минимум Passmark оценка од 6000  и да имаат минимум 8 GB DDR4 non-ECC RAM меморија со минимална фреквенција од 3200Mhz .

Во јавната набавка, операторот треба да обезбеди Лиценциран софтвер, канцелариски пакет, Microsoft Office Home and Business 2019 или „еквивалент“.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.