Општина Струмица дополнително го уредува локалитетот околу Габровските водопади а ја проширува патеката и до третиот !

3008

Општина Струмица деновиве работи на дополнително уредување на локалитетот околу Габровските водопади кои се наоѓаат на падините на Беласица во непосредна близинана селоот Габрово. Станува збор за три мали водопади еден над дру и преставуваат своевидна природна реткост. Првиот човек на Струмица Коста Јаневски на својот ФБ профил објави дека се проширува патеката до третиот водопад кој беше тешко достапен за лубителите на природата

,,Деновиве започнавме со дополнително уредување на просторот околу Габровскиот водопад. Се проширува патеката до третиот водопад во должина од 740 метри, а ширина 1,5 метри во карпестиот дел и истата ќе биде покриена со камен. Патеката ќе биде оградена, ќе има два моста и платформа на третиот водопад, а ќе се уредат и постоечките летниковци со маси и клупи. Со овие зафати љубителите на природата ќе можат уште повеќе да уживаат во убавините на овој водопад,, напиша градоначалникот на Струмица Коста Јаневски

Водопадите се сместени на крајот на од селото од горната страна до кој се стасува и преку Габрово или преку новоизградениот пат после Банско кон ова населено место . Пред водопадите има  паркинг и шумска уредена поплочена патека. Во околината се наоѓат клупи и мали летниковци. Коритото на водопадите е уредено со бетонски парапет, а дел од водата во бетонски канал се упатува кон селото. Инаку Габровските водопади во изминативе години стана туристичка дестинација за голем број посетители како од земјава така и од странство со оглед на близината на Колешинскиот и Смоларскиот водопад.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.