Општина Радовиш ќе стипендира 24 ученици кои ќе добиваат по 2500 и 3000 денари 9 месеци

174

Општина Радовиш и ова година ќе стипендира основци и средношколци кои имаат одредени таленти, покажуваат резултати и се најдобро рангирани во своите училишни средини. Според објавениот конкурс ќе бидат доделени 16 стипендии за ученици од шестто до деветто одделение од основните училишта но и  8 стипендии за средношколци од СОУ ,, Коста Сусинов’’. Стипендиите се за 9 месеци при што основците ќе добиваат по 2500 денари на месец додека средношколците по 3000 денари.

Како што објавија од општина Радовиш 16 те стипендии за основците согласно измените на Правилникот,  нема да се доделуваат по училишта, туку ќе се доделуваат вкупно по 4 стипендии за секое одделение ( по 4 за VI, VII, VIII и IX одделение) по принципот на најдобро рангирани ученици (со најмногу бодови), без разлика од кое основно училиште се учениците. Што се однесува за 8 те стипендии за средношколците, пет од нив ќе се доделат за ученици што се запишале во прва година  од сите 5 општински основни училишта, кои што ќе донесат потврда дека се запишале во прва година во СОУ Коста Сусинов – Радовиш, и по една за II, III и IV  година.

Конкурсот може да се виде ТУКА

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.