Општина Ново Село ќе гради нов водовод во Сушица, парите од околу 300 илјади евра се одобрени од АФПЗРР

832

Наредниве денови општина Ново Село треба да распише јавна набавка за избор на изведувач за изградба на нов водоснабдителен систем во населеното место Сушица.  Агенцијата за финансиска подршка на земјоделството и руралниот развој  на ова општина од програмата за развој на јавната инфраструктура во руралните средини и одобри приближно 300 илјади евра со цел Сушица да добие нов водовод со што ќе се реши водоснабдувањето на жителите од ова населено место.

АФПЗРР деновиве ја информираше општина Ново Село дека  е донесено решение за одобрување на финансиски средства и треба да ја отпочне постапката за избор на фирма која ќе го гради новиот водоснабдителен систем во Сушица. Откако ќе биде избрана фирмата во зависност од висината на понудата ќе биде и склучен договор за средствата.

Проекциите се дека до крајот на годинава треба да отпочне да се гради новиот водоснабдителен систем во населеното место Сушица.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.