Општина Дојран доби партнер со кој ќе работат на проекти за заштита на водата и биодиверзитетот во езерото

927

Почетокот на пролетните месеци од идната година, општина Дојран треба да го добие Планот за управување на Дојранското езеро, како клучен документ за градење на проекти кои ќе бидат во функција на заштита на биодиверзитетот во езерото но и за подобрување на квалитетот на водата. Планот кој ќе резултира, ќе биде само дел соработката што ја воспоставија  Општина Дојран и Здружението за одржлив развој ,,Милиеуконтакт’’ Македонија од Скопје во насока на заедничко спроведување на проекти за зачувување на природните вредности на езерото.

,, Со самото потпишување Општината доби силен партнер во зачувување на животната средина, грижа за нашиот бисер Дојранското езеро и неговиот биодеверзитет. Ангажирањето на партнер каков што е Милиеуконтакт, посебно со ставање на располагање на сите експерти од областа на животна средина и екологија, ќе значи зголемен капацитет на Општина Дојран во изработка и аплицирање на проекти од оваа област, како и добивање на финансиски средства за истите,, кажа градоначалникот на Дојран Анго Ангов

Здружението за одржлив развој ,,Милиеуконтакт Македонија’’ од Скопје со средства од Партнерскиот фонд за критични еко системи, ќе ангажира стручни експерти кои на научна база ќе дават оценка за состојбата со езерото но и можни решенија за да се минимизираат загадувачите и да се подобри квалитетот на водата а со тоа и биодиверзитетот во езерото како природен ресурс. Во таа насока ќе се формираат тимови од општината кои заедно со експертите ќе работат и ќе се обучуваат за изработка на соодветни проекти што ќе преставува создавање на дополнителни ресурси на самата општина како да управува со Дојранското езеро

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.