Општина Гевгелија распиша тендер за набавка на опрема и играчки за детски игралишта

335

Деновиве општина Гевгелија преку системот на Бирото за јавни набавки објави оглас  за јавна набавка на опрема за детски игралишта кој ќе трае до втори април. До ова дата сите заинтересирани економски оператори, кои за последните три години поединечно имаат минимум милион денари годишен приход но и да имат реализирано вакви проекти, може да се јават и да понудат свои цени за опремата што ја бара општината која ќе биде наменета за детски игралишта. 

Според објавениот оглас за јавна набавка, времетраењето на договорот е една година а според доставената техничка спецификација, општина Гевгелија бара фирма од која набави 12 различни детски реквизити и играчки но и околу 150 метри квадратни вештачка трева.

Се планира да бидат набавени 4 лулашки, 4 клацалки, 2 детски фигури , една ротациона кружна играчка со метална платформа, но и едно детско катче во вид на замок висок 4 метри со две платформи и лизгалки и една платформа со спирална лизгалка. Сета опрема треба да биде од матријал безбедна за децата

Во првата недела од месец април ќе се знае фирмата од која ќе се набавува опремата за детски игралишта во општина Гевгелија.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.