Општина Гевгелија освен мобилни тимови за помош на стари, на 120 социјално загрозени лица ќе им дели пакети, кажа Поцков

2643

Општина Гевгелија формираше мобилни тимови со ресурси од општината кои за време на кризата ќе им помагаат на стари и изнемоштени лица во поглед на купување лекови, намирници или плаќање на сметки. Станува збор за три мобилни тима со вработени од општината кои на овие категории граѓани им стојат на располагање, за да не излегуваат од дома и дополнително се изложуваат на ризик  од коронавирусот.

Првиот човек на општина Гевгелија Сашо Поцков, истакна дека освен за овие категории на граѓани одлучиле да помогнат и на социјално ранливите категории граѓани кои немаат многу средства за егзистенција. Како што кажа Поцков ќе им се доделуваат еднаш неделно пакети со намирници според препораките од Центарот за Јавно здравје од Гевгелија.

,, Формиравме мобилни тимови и ги користеме ресурсите на општината и ако имаме зголемена потреба ќе ги ангажираме пријавените 10 волонтери што не се вработени во општината се со цел да им помогнеме во набавка на потребните намирници се со цел старите и изнемоштени лица да не излегуваат од дома. Ценевме ние дека има одредена група на лица кои примат социјална помош и во соработка со ПЕ на Министерството за труд и социјална политика добивме листа од 120 лица кои имаат мал буџет и ниски примања, односно спаѓаат во групата социјално ранлива категорија на граѓани и одлучивме како општина да им испорачуваме еднаш неделно пакети со производи кои се препорака од Регионалниот Центар за Јавно здравје од Гевгелија,, изјави градоначалникот Сашо Поцков кој повика до гевгеличани да бидат дисциплинирани и да ги почитуваат владините препораки

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.