Општина Василево го отстрани стариот и постави нов асфалт на патот Владевци – Сушево од речиси 2 километри

801

Заврши реконструкцијата и асфалтирањето на локалниот патен правец Владевци – Сушево со што жителите од овие две населени места од општина Василево, добија функционално патно поврзување бидејки со реконстуркцијата беше отстранет стариот и поставен нов асфален слој. Патниот правец е во должина од 1878  и ширина од околу 4,5 метри.

Стануваше збор за патен правец полн со дупки и тежок за возење велат од општината и по барање на жителите од  двете населени места Сушево и Владевци бил ставен како приоритетен за реализација. За таа цел,општинските власти, средствата во висина од околу 11,5 милиони денари или околу 190 000 евра ги обезбеди од Агенцијата за финансиска поддршка во земјоделието и руралниот развој.

Реконструкцијата на овој патен правец почна минатата година а пред Велигденските празници се започна со асфалтирање на делницата во Сушево. Денеска беше целосно заокружен овој пат до Владевци и негово поврзување со магистралниот патен правец А4 односно патот  Струмица – Скопје.

„Станува збор за реконструкција на патот од клучката со магистралниот пат А4 Струмица – Скопје па се до центарот на Сушево со отстранување на стариот нефункционален асфалтен слој и поставување на нов асфалт. Реконструкцијата опфаќа и изградба на масивен потпорен зид и еден монтажен цеваст пропуст. Како општина работиме на подобрување на условите на граѓаните во сите области. Нашата заложба во сферата на локалната патна инфраструктура е асфалт до секој дом“,  ни изјави градоначалникот на општина Василево Марјан Јанев

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.