Општина Василево го заврши уредувањето на училишниот двор во Радичево

222

Градоначалникот на општина Василево Славе Андонов денес беше во посета на училиштето во населеното место Радичево, каде изврши увид во реализираните активности кои се одвиваа во училишниот двор.  Поставени се бекатон плочки на површина од 70 м2 така што целата влезна партија во дворот е поплочена, со што целосно се подобрени условите за пристап  во училишната зграда. Во рамки на оваа активност опфатено е и оградувањето на училишниот двор, односно отстранета е старата нефункционална оградна мрежа и на нејзино  место поставена е нова со што училишниот двор станува компактна целосно уредена површина во функција на потребите на учениците и наставниот кадар.

„Со претходно поставените рефлектори во близина на училишниот двор, целиот овој простор е оплеменет и како компактна и комплетна целина  ставен во функција на граѓаните од ова населено место“ е ставот на градоначалникот на општина Василево Славе Андонов, кој за наредниот период, за ова населено место,  најави изградба на патот што води кон црквата и селските гробишта – проект за кој општината веќе има обезбедено средства, а е долг период еден од приоритетните на жителите на Радичево.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.