Општина Босилово додели канти за отпад на домаќинствата во Гечерлија, од идниот месец ќе има организирано собирање

284

Општина Босилово додели 100 канти за отпад на домакинства во населеното место Гечерлија со што ова населено место ќе биде вклучено во системот на организирано собирање на отпадот. Станува збор за активност во рамките на акцијата ,,Еколошка пролет во Босилово’’ а кантите за отпад се со зафатнина од 120 литри кои општината ги доби од фирмата скопски Пакомак.

,, Од први април во системот за организирано собирање на отпадот го вклучуваме и населеното место Гечерлија. Ова ќе биде деветото населено место каде ЈП Огражден ќе го собира отпадот а до крајот на годинава наша цел е да бидат вклучени и останатите седум населени места. Во моментов работиме на обезбедување средства за да набавиме канти и контејнери и од други фондови и институции за останатите населени места,, ни изјави градоначалникот Манчев

Како што потенцираше тој во моментов фокусот е насочен кон зајакнување на зајакнување на капацитетите на ЈП Огражден кое располага само со едно возило. Преку јапоннката амбасада до крајот на август Општина Босилово очекува да добие  ново комунално возило за собирање отпад а во преговори се со општина Струмица да  отстапи едно половно возило

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.