Општина Богданци ќе дава субвенции од 300 денари месечно за потрошена вода на лица од социјален ризик

1330

Општина Богданци ќе  субвенционира трошоци за комунални услуги на граѓаните од ова општина кои се изложени на социјални ризици, конкретно ќе дава субвенции од  по 300 денари месечно за потрошена вода за пиење. Во Буџетот за ова година, општината има планирано и обезбедено средства за што на својата официјална веб страна објавен е Јавниот повик

Право да поднесат  барање за субвенционирање од средствата на  Буџетот на Општина Богданци имаат лица кои се корисници на социјална парична помош, но и да бидат корисници на услугите на ЈП „Комунална Чистота“ Богданци. Со барањето за субвенционирање на трошоци за комунални услуги се доставува лицата треба да достават потврда дека е корисник на социјална парична помош. потврда за користење на услуги од ЈП „Комунална Чистота“ Богданци  и лична карта.

Заинтересираните лица своите барања можат да ги достават директно во архивата на општина Богданци или преку пошта на адреса : Oпштина  Богданци ул.„Маршал Тито“ бр.62 Богданци најдоцна до 1 февруари ова година

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.