Околу 210 илјади евра ќе добијат лицата кои претрпеа штети од пожарот во Глобал

886

13 милиони денари или околу 210 илјади евра ќе им бидат поделени на правните и физичките лица кои претрпеа штети од ланскиот пожар во ТЦ ,,Глобал” во Струмица. Веста ја објави градоначалникот на Струмица Костадин Костадинов кој подвлече дека пари ќе добијат 50 фирми и 20 физички лица. Станува збор за сите лица кои лани пријавија штети до општинската Комисија при што беше нотирано дека вкупната штета изнесува 65.6 милиони денари или над милион евра.

,,Денеска почна исплатата на дел од штетата на 50 правни и 20 физички лица од големиот пожар што го зафати ТЦ „Глобал“ во Струмица лани на 2 јануари. Тие ќе добијат 20 отсто од вкупно пријавената штета, односно ќе им се поделат 13 милиони денари,, стои во ФБ објавата на на градоначалникот Костадинов

Пожарот во ГТЦ Глобал избувна ноќта на 2 јануари а во пожарот изгореа една третина од тезгите на градскиот пазар, продавници и деловни објекти. Сеуште не се познати причините како настана големиот пожар. Јавното обвинтелство соопшти дека  се чека вештачењето од хидроинженер од Бирото за судски вештачења по што ќе има соодветна јавно обвинителска одлука

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.