Од 1 јули се укинуваат тарифите за роаминг меѓу земјите од Западен Балкан

238

Од овој четврток започува да важи договорот меѓу земјите од Западен Балкан за бесплатен роаминг. Сепак овој договор важи за разговорите меѓу Македонија и петте земји од регионот Албанија, Косово, Србија, Босна и Херцеговина и Црна Гора.

За жал најискористената дестинација за летни одмори Грција, како и соседна Бугарија не се вклучени во овој договор.Разговорите со овие земји и интернет комуникацијата останува да се плаќа по многу високи цени. Во зависност од кој оператор го изберете интернет чини околу 60 ден/МБ, смс околу 17 денари, појдовни повици околу 90 ден./мин и дојдовни 25 ден/мин.

Со петте земји Албанија, Косово, Србија, Босна и Херцеговина и Црна Гора, македонските граѓани ќе плаќаат колку што плаќаат и дома.

-Ако дома имате на пример тарифен модел со месечна претплата од 1000 денари, а во него имате неограничени бесплатни разговори и во соседните земји на пример ако сте во Србија разговорите ќе ви бидат бесплатни, значи се е вклучено во претплатата, појаснуваат од АЕК.

Ова е кај пост пејд корисниците.Кај при пејд корисниците цената на разговорите во земјите од регионот ќе ви биде иста како и дома. Ако дома плаќате пример два денари минута толку ќе ве чини и во Босна на пример.Со тоа што може кај при пејд корисниците разговорите надвор да би биле незначително повисоки.

Поинаква е ситуацијата кај интернет сообраќајот.

-Ако со вашата претплата имате одредена количина на бесплатен интернет, бесплатно ќе може да го користите интернетот и во Албанија на пример. Сепак на користење ќе имате помала количина на бесплатен интернет иако во вашата тарифа е предвидено повеќе, истакнуваат од Агенцијата

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.