Владата го донесе планот за попуштање на рестриктивните мерки како процес кој ќе се одвива во три фази согласно развојот на епидемиолошката состојба. Првата фаза е тековно функционирање на стопанските дејности во време на прогласена вонредна состојба и ограничено движење на населението на целата територија на државата со постепено намалување на времето за забрана на движење. Втората фаза како транзициона фаза е иницијално воспоставување на работните активности со почиттување на препорачани мерките и стриктни протоколи за работа во услови на превенција и спречување на појава и ширење на Ковид-19. Третата фаза предвидува потполно враќање на редовниот работен процес со почитување на основните мерки за одржување лична хигиена и физичко дистанцирање.
Од утре, појасни Спасовски, ќе почнат да се применуваат мерки со нови протоколи за работа за дејности со помал ризик, и тоа Завод за рехабилитација на слух, говор и глас Скопје, Центри за едукација, обука и семинари за возрасни, организација на седници на органи на управување и конференции, автошколи, автоиспитни центри, спортски тренинзи на отворено за индивидуални спортови и тенис, спортски и други обложувалници преку шалтер,затворени трговски центри без угостителски објекти.
Според предлогот на Комисијата наредната недела ќе се отворат кафулињата и рестораните, а ќе бидат дозволени и тренинзи на отворено на тимски спортови. Од 25 мај пак ќе почнат со работа казината, автомат клубови, теретаните и хотелите.
По официјалната информација по владината седница од утре да се олабават мерките, сопствениците на Глобал информираат дека утре од 10 до 18 часот, трговските објекти ќе бидат отворени. Велат дека иако ќе отворат и започнат со работа, граѓаните ќе мора да се придржуваат на мерките за заштита, односно, носење на заштитни маски, а ќе се врши и дезинфекција на влезовите.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
