Од полноќ се намалуваат цените на бензините одлучи Регулаторна

621

Регулаторната комисија за енергетика и водни услуги на Република Северна Македонија на денешната седница донесе одлука за намалување на малопродажните цени на нафтените деривати во просек за 1,34% во однос на малопродажните цени од рпетходната одлука на РКЕ.

Според одлуката на РКЕ, малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство (ЕЛ-1), се намалуваат за 2,00 ден/л и со тоа малопродажната цена на ЕУРОСУПЕР БС-95 изнесува 88,00 ден/л, малопродажната цена на ЕУРОСУПЕР БС-98 изнесува 90,00 ден/л, додека малопродажната цена на Екстра лесното масло за домаќинство (ЕЛ-1), изнесува 85,50 ден/л.

Малопродажните цени на ЕУРОДИЗЕЛ (Д-Е V) и на Мазутот М-1 НС, не се менуваат, односно остануваат на исто ниво како што беа утврдени со претходната одлука и со тоа малопродажната цена на ЕУРОДИЗЕЛ (Д-Е V), изнесува 90,00 ден/л, додека малопродажната цена на Мазутот М-1 НС изнесува 52,786 ден/кг.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.