Од полноќ бензините поскапуваат дизелот поевтинува – објавени новите цени

191

Бензините од ноќеска на полноќ поскапуваат за еден денар по литар, а цената на дизелот се намалува за исто толку, одлучи денеска Регулаторната комисија за енергетика и водни услуги (РКЕ). Со одлуката се врши зголемување на малопродажните цени на нафтените деривати во просек за 0,84 отсто.

Новата малопродажна цена на еуросупер БС-95 ќе изнесува 77 денари за литар, еуросупер БС-98 ќе се продава за 79,5, а еуродизел (Д-Е V) за 80 денари за литар.

Малопродажната цена на екстра лесното масло за домаќинство (ЕЛ-1) се намалува за половина денар по литар и ќе изнесува 78,5 денари. Малопродажната цена, пак, на мазутот М-1 НС се зголемува за 1,36 денари за килограм и ќе биде 40,593 денари.

Од 27.12.2022 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 77,00 (денари/литар)

Моторен бензин ЕУРОСУПЕР БС – 98 79,50 (денари/литар)

Дизел гориво ЕУРОДИЗЕЛ БС (Д-Е V) 80,00 (денари/литар)

Масло за горење Екстра лесно 1 (ЕЛ-1) 78,50 (денари/литар)

Мазут М-1 НС 40,593 (денари/килограм)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.