Од вечерва на полноќ ќе има намалени цени на горивата, најавија од Регулаторна

292

По одобрените владини одлуки против кризата и усвоените законски измени за акцизата и за ДДВ, денеска се очекува Регулаторната комисија за енергетика да ги презентира новите цени на бензините и на нафтените деривати.

Собранието ги изгласа измените во законите за ДДВ и акцизи, по што Владата утринава соопшти дека се донесени и одлуките, па денеска РКЕ ќе заседава за да ги регулира цените на горивата според овие измени.

Акцизата за горивата се намалува од 1,2 денари на 4,7 денари, додека ДДВ се намалува од 18 на 10 отсто.

„Согласно усвоените измени на законите за ДДВ и акцизи, Регулаторната комисија за енергетика ноќеска одлучи врз основа на новите пресметки, цената на бензините да се намали за 6,5 денари, а на дизелот за 9 денари. Оваа одлука стапува во сила во недела во 00.01 часот“, ни изјави Марко Бислимоски, претседател на РКЕ.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.