Од вечерва на полноќ горивата поскапуваат, Регулаторна ги објави малопродажните цени

144

Според најновата одлука на Регулаторна комисија за енергетика, цените на горивата во нашата земја  од вечерва на полноќ ќе се зголемат за 1,15 проценти во однос на оние од минатата недела. Во согласност со методологијата за утврдување на цените, горивата во нашата земја ќе поскапат од половина до еден денар.

Од вечерва на полноќ одново ќе имаме зголемување на цените на горивата, а според одлуката на РКЕ, бензините Еуросупер БС-95 и Еуросупер БС-98 ќе поскапат за половина денар, додека Еуродизелот поскапува за еден денар.

Ова значи дека од утре, па се до следната недела, Еуросупер БС-95 на бензинските станици ќе се точи по цена од 68,50 денари по литар, Еуросупер БС-98 ќе чини 70,50 денари, а за истата количина Еуродизел ќе плаќаме по 61,50 денари.

Од РКЕ истакнуваат дека во изминатиот седумдневен период сите референтни цени на светските берзи во просек бележат зголемување и тоа кај бензинот за 1,377 %, а кај дизелот за 2,116 %.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.