Објавен список со одбојкарки од Струмица како позитивни на ковид-19, клубот бара казна за креаторот на листата

1697

Од синоќа на социјалните мрежи постојано се споделува список на одбојкарки како новозаболени од вирусот ковид-19 во Струмица. Станува збор за девојки од ОК Виктори Волеј од каде денеска реагираше претседателот на клубот Андон Василев, кој најави  кривични пријави и ги повика одговорните институции да покренат истрага за да го откријат креаторот на листата.

Василев призна дека пред десетина дена во неговиот клуб бил откриен вирусот кај две девојчиња заради што добар дел од сениорскиот тим е во самоизолација. Тој заедно со родителите се гневни што се споделува список на малолетни девојчиња што не се позитивни ниту пак имаат било какви сиптоми

,, Бидејки не и нанесена голема штета веќе ги запознавме сите институции и верувам дека виновникот кривично ќе биде гонет. Нека си го превземат случајот тие, за нас најважно  е дека девојчињата се добри а сите ние останатите за два три дена ќе завршиме со самоизолација. Срамот што ни е нанесен од некои неодговорни луѓе на социјалните мрежи веруваме дека ќе биде казнет,, ни изјави Василев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.