Објавен Регистарот со вработени во јавниот сектор за 2021, колку имало во општините и комуналните во Југоистокот

310

Во општините од Југоистокот во 2021 година имало вкупно вработени 536 лица а во комуналните претпријатија 846 лица. Ова стои во Извештајот од Регистарот на вработените во јавниот сектор за 2021 година каде Министерството за информатичко општество и администрација последниве години ги објавува податоци за бројката на вработени во Јавниот сектор во земјава

Според Регистарот во општина Струмица лани се воделе 202 вработени додека во ЈП Комуналец Струмица 372. Во општина Гевгелија се евидентирани 92 вработени а во тамошното комунално 169 лица. Во Радовиш како општинска админстрација лани се евиденитерани 84 лица додека ЈП Плаваја имале 100 лица што се водат како вработени.

Во општина Валандово вкупниот број вработени во 2021 биле 36 лица додека во Комунален Сервис според Регистарот се воделе 37 вработени. Во општина Богданци имало 23 вработени а во Комунална Чистота 33. Во општина Дојран имало 16 вработени а во тамошното комунално Полин 36.

Во општина Василево според МИОА лани имало 25 вработени додека во ЈП Турија 26 лица. Во Босилово во општинската администрација се водат 24 вработени додека во ЈП Огражден 32. Општина Ново Село во 2021 имала 21 вработен а Комуна 10 повеќе или 31 вработен додека во најмлата општина од Југоистокот Конче имало 13 вработени а во ЈП Лакавица 10.

Целиот Извештај од Регистарот на вработените во јавниот сектор за 2021 година може да се виде ТУКА

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.