Објавен распоредот за мечевите од Првата фудбалска лига – кога ќе има соочувања меѓу А. Пандев и Беласица ?

259

Двата струмички фудбалски прволигаши Академија Пандев и Беласица во новата натпреварувачка сезона во Првата лига ќе се соочат на 1 ноември во рамките на 11 првенствено коло. Така посака ждрепката во ФФМ каде беа извлечени двојките за натпреварувачката 2020/2021. Според ждрепката во првото струмичко градско дерби домаќини ќе бидат пандевци додека синобелите ќе имаат статус на гости. Реваншот помеѓу двата струмички прволигаши е закажан на 3 март догодина кога синобелите ќе бидат домакини. Двата тима како матичен терен го пријавија стадионот Благој Истатов во Струмица.

Инаку Првата лига во новата натпреварувачка сезона ќе брои 12 екипи. Лигата стартува на 9 август. Во рамките на првото коло Беласица го пречекува кратовски Силекс, додека А. Пандев му гостува на битолски Пелистер. Своја премиера пандевци пред своја публика ке имат на 16 август кога го пречекуваат скопски Вардар а Беласица пак во ова коло му гостува на Работнички Скопје.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.