Градоначалникот на Радовиш Герасим Конзулов на ФБ објави дека е обновен е коловозот кај селото Покрајчево од мостот на Радовишка река кон регионалниот пат во должина од 500 метри. Станува збор за локален патен правец кој беше оштетуван во поплавите во 2008, 2013 и 2015 година и досега граѓаните од ова населено место сообраќаа по оштетениот пат а го потенцираа како приоритетен и од големо значење за секојдневното функционирање.
Конзулов денеска меѓудругото објави дека завршиле земјaните работи и пробивањето на патот меѓу селата Прналија и Супурге. Овој патен правец се гради во рамки на проектот за поврзување на локални патишта и развој на руралните средини, а за него се обезбедени 20 милиони денари преку Министерството за транспорт и врски. Освен овие два зафати тековно се врши санација на ударните дупки на патот кон селата Али Коч и Коџалија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
