Обезбедени се пари за санација на полски патишта во општините Богданци, Гевгелија, Валандово и Струмица

1099

Преку Центарот за развој на Југоисточниот плански регион ќе се врши санација на полски патишта во општините Богданци, Валандово, Гевгелија и Струмица со цел подобар пристап до обработливите површини во подрачја со интензивна земјоделска дејност. Деновиве раковoдителката на Центарот, Жулиета Ѓуркова со министерот за земјодлествo Арјанит Хоџа потпишаа Договор, со кој на Југоисточниот плански регион се доделуваат околу 2 милиони и 760 илјади денари за уредување полски патишта, кои од страна на самите општини беа детектирани како приоритетни за санација.

Според Договорот парите ќе се искористат за санација на полски пат на место викано Љушев брест и Смоквиње во општина Богданци во должина од околу 690 метри. Во општина Валандово ќе се уредува полски пат во населеното место Калково во должина од 627 метри а во општина Гевгелија ќе се уредува полски пат во населеното место Богородица во должина од 1 625 метри. Во општина Струмица се планира да се врши санација и уредување на полски пат во населеното место Габрово во место викана Стара Чешма во должина од 1 050 метри

,,Со реконтрукција на наведените полски патишта се очекува подобар пристап до околу речиси 300 хектари плодно земјоделско земјиште во регионот. Со олеснувањето на пристапот, земјоделците ќе имаат поквалитетен и побрз пристап, ќе бидат и помотивирани да ги извршуваат секојдневните обврски на нивите, а и да одгледуваат подоходовни земјоделски култури, што пак ќе придонесе кон подигнување на квалитетот на животот на луѓето во општините во регионот,а понатаму и поголем економски развој на целиот Југоисточен регион,, стои во информацијата објавена од Центарот на нивната официјална ФБ страна 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.