Обвинителството од Струмица бара казни од по 500 евра за 35 струмичани оти не почитувале полициски час

1283

Основното јавно обвинителство – Струмица во текот на денешниот ден, постапувајќи по кривичните пријави, до Основниот суд – Струмица поднесе 30 предлози за издавање на казнени налози со кои се опфатени 35 лица.

Лицата во периодот од 5.04. до 21.04.2020 година не ја почитувале забраната за движење за време на полицисиот час и се движеле надвор од своите домови. Со своите дејствија сториле кривично дело Непостапување според здравствените прописи за време на епидемија, предвидено и казниво по член 206 став 1 од Кривичниот законик.

Обвинителството му предложи на судот да ги огласи за виновни и да им изрече парична казна од 50 дневни глоби при што висината на дневната глоба да изнесува 10 евра во денарска противвредност.​

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.