Нов смртен случај од коронавирус во земјава, во последните 24 часа нови 22 лица позитивни, објави Филипче

1472

Во изминатите 24 часа во земјава се регистрирани 22 нови случаи на коронавирус објави министерот за здравство Венко Филипче. По градови: Скопје (9), Куманово (3), Струга (3), Тетово (2), Дебар (2), Прилеп (2), Битола (1). Со ова, вкупната бројка на дијагностицирани пациенти со КОВИД-19 денеска до 12.00 часот изнесува 241 лице

Инаку денес коронавирусот ја зеде и 4 тата жртва. Утрово почина една пациентка на 66- годишна возраст од околината на Струга, соопшти Министерството за здравство. Таа и сопругот биле  дијагностицирани позитивни  во текот на вчерашниот ден. Пациентката имала срцева болест, хронична белодробна болест и покачен крвен притисок а претходно била во контакт со заболени лица од Дебар.

Според местото на живеење, досега случаи на КОВИД-19 се регистрирани во:
– Скопје- 143,  Дебар – 45 од кои 2 починати,  Куманово – 20 од кои 1 починат, Штип – 8,  Прилеп – 8,  Тетово- 4,  Охрид- 3,  Велес – 3, Струга – 3 од кои 1 починат,  Кавадарци – 2,  Гостивар – 1 и  Битола – 1.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.