Нов протест на тутунарите од струмичко, бараат реална проценка и укинување на 4 класа

362

Тутунопроизводителите од струмичко, незадоволни проценката на тутунот и големите одбитоци повторно протестираа и побараа реална проценка на тутунот од  годинашнава реколта но и укинување на четвртата класа.Ова го побараа од денешниот протест во населеното место Градашорци. Тврдат дека за разлика од минатата година, производството на суров тутун годинава воопшто не отстапува од квалитетот, но место прва и втора, добиваале трета и четврта класа што преставува понижување на тутунската мака.

Паралелно сметаат дека годинава на откупните ваги имало и големи одбитоци за влага и песок по кутија тутун. Ако лани тие се движеле околу три проценти годинава тие достигнувале и до десетина проценти што дополнително ја намалува просечната откупна цена за годинашново производство.

Во струмичко откупот го почнаа сите 4 пријавени компании, но речиси на сите пунктови има незадоволство. Откупувачите тврдат дека за разлика од лани годинава тутунот е со послаб квалитет. Од МЗШВ апелираа до тутунарите да се жалат за секоја нереална проценка на тутунот од годинашнава реколта.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.