Нови порази на А.Пандев и Беласица со кои останаа да ја ,,греат’’ опашката на прволигашката табела

118

Академија Пандев и Беласица претрпеа нови порази во прволигашкиот фудбалски шампионат на Македонија. Во рамките на 9 тото првенствено коло пандевци загубија од Шкупи на свој терен, додека Беласица на гостувањето кај Струга Трим Љум со 3:0. Со овие порази двата струмички прволигашки го греат ,,опашот’’ на прволигашката табела иако струмични од нив очекуваа многу повеќе.

Академија Пандев денеска на ,,Благој Истатов’’ одигра одлично прво полувреме. Го диктираа темпото на теренот и се закануваа по голот на Шкупи. Велиновски, Стоилов, Крстовски имаа шанси да го отворат резултатот но не успеаа. Во второто полувреме Шкупи ја превзеде доминацијата кој постојано беше на половината на пандевци и во 79 минутиа Дарбое со глава го постигна победносниот гол за новите три бода.

Беласица пак уште во првите 8 минути прими два гола. Првиот од пенал во втората минута а на истекот од осмата уште еден.. Струга својата доминација ја круниса во 70 минута со трет погодок со што синобелите стасаa до 24 примени гола во досегашниот тек на првенството по 9 одиграни меча.

Академија Пандев со 2 победи, едно реми и 6 пораза и гол разлика 3:9 се на 11 тата претпоследна позиција со вкупно 7 бода, додека фенерот го носи Беласица без победа едно реми и 8 пораза и гол разлика од 3:24 и на своето конто само 1 бод.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.