Новите плажи во Дојран нема да се издаваат под концесија, ќе биде слободни за гостите, рече градоначалникот Ангов

887

Новата две плажи кои се со вкупна должина од околу 300 а широки по 20 метри што се протегаат од Елем до Фук Так нема да се издава под концесија туку таа ќе биде слободна за гостите и посетители за да уживаат покрај Дојранското крајбрежје. Вака истакна градоначалникот на Дојран Анго Ангов кој заедно со министерот за локална самоуправа Горан Милевски и раководителката на Центарот за развој на Југоисточниот плански регион Жулиета Ѓуркова извршија обиколка на новоотворениот простор за плажа која е оградена со пешачка патека а се работеше со средства од Бирото за регионален рамномерен развој на Министерството за локална самоуправа

Плажата ја реализираше Центарот за развој на Југоисточниот плански регион кој обезбеди средства од Бирото за регионален рамномерен развој на Министертвото за локална самоуправа. Целиот проект чинеше околу 4 милиони и 200 илјади денари во кој со 400 илјади партиципираше и општина Дојран.

Со отварањето на двете плажи на овој потег се решава најгорливото прашање за време на туристичката сезона кога гостите бараа слободни простори за плажирање. Станува збор за просторот каде се дислоцираше патеката која беше демолирана од надојдените води со што сега се дозволува езерото да се шири по природен пат.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.