Нема да дозволиме да се избришат нашите корени, кажа Дрвошанов од протестот со возила на ВМРО ДПМНЕ во Струмица

221

ВМРО-ДПМНЕ вечерва организираше моторизиран протест по улиците на Струмица преку кој упатија порака дека нема да дозволат да се менува историјата ниту пак да да се избришат корените на македонскиот народ. Првиот човек на ОК на ВМРО ДПМНЕ од Струмица Жан Дрвошанов кажа дека од срцето на Македонија – градот Струмица, испраќаат порака дека мора да се застане на патот на предавството.

,, Нема да дозволиме да го скршат македонскиот народ, да го избришат македонскиот јазик и македонскиот идентитет. И покрај сите притисоци се зголемува бројот на луѓе што се охрабруваат и да кажат не на бришењето се што е македонско. Нема да дозволиме да се избришат нашите корени. Ги повикувам сите граѓани да бидат сплотени и да бидеме единствени да ја зачуваме Македонија. Протест сега за да не биде предоцна,, кажа новиот претседател на ОК ВМРО ДПМНЕ од Струмица Жан Дрвошанов кој побара оставка од премиерот Зоран Заев

Освен во Струмица вечерва беа најавени протести и во Крива Паланка, Кратово, Свети Николе, Неготино, Гевгелија, Струга, Крушево, Кичево, Македонски Брод и Гостивар.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.