Деновиве се очекува да отпочне со работа патарината кај Смоквица на автопатот Скопје – Гевгелија каде според донесениот ценовни патарината ќе чини 100 денари . Од ЈП Државни патишта не конкретизираа точно од кој ден ќе се почне наплата, нo според информациите, ќе се наплаќа од понеделник 26 август од 7 часот наутро. Информираа дека со завршувањето на изградбата на алтернативниот пат Смоквица – Прдејци за жителите од гевгелиските населени места, може патарината Смоквица на коридорот 10 да почне да функционира.
Патарината ка Смоквица гевгелиско која е целосно изградена, обележана со потребната сигнализација но и со инсталирана опрема за наплата во готово и со картички. Ќе има 10 наплатни рампи, пет во правец кон Гевгелија и исто толку кон Скопје. Ставањето во функција на ова патарина се случува откако ЈП Државни патишта го изгради споредниот пат до Гевгелија (делница Прдејци-Смоквица) за жителите од околните села. Тие се побунија и побараа алтернативен пат до општинскиот центар каде одат на работа или пак патуваат за било каква услуга
,,Со изградбата на овој пат излегуваме во пресрет на граѓаните од гевгелиските населени места да користат спореден пат за да не се изложуваат на дополнителни трошоци бидејки секојдневно патуваат до Гевгелија’’, кажаа неодамна директорот на ЈП Државни патишта Зоран Китанов и градоначалникот на Гевгелија Сашо Поцков. Инаку Патот Прдејци- Смоквица е долг 5 километри за што државата потроши околу 700 илјади евра.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
