Негувателките во чија група се повреди десетмесечно бебе во градинка во Гевгелија се соочуваат со дисциплинска

3211

Против негувателките кои биле задолжени во гупата каде се повреди десетмесечното бебе во гевгелиската градинка најверојатно ќе има дисциплинска постапка за што предлог веќе доставила директорката. Вака информираа од Министерството за труд и социјална политика која денеска направи вонреден инспекциски надзор во клонот ,,Цветови’’ во Гевгелеија за да ја утврди фактичката состојба за настанот кој се случил во вторникот а го објави опозициската ВМРО ДПМНЕ.

,, Директорката на Јавната општинска установа за деца – детска градинка Детска радост – Гевгелија, поднела предлог за поведување на дисциплинска постапка против  негователките и донела Решение за формирање на комисија за утврдување на повреда на работната дисциплина. При вонредниот инспекциски надзор е утврдено дека директорот  постапил согласно одредбите од Законот за заштита на децата. Од дадените изјави на негувателките детето се стекнало со гребнатинки при пад во игра со останатите деца кои биле санирани а мајката ја информирале при превземањето на детето од установата,, соопшти МТСП

Од ова министерство апелираа до политичките партии да не се користат децата за партиски цели при што ги демантираа изјавите од ВМРО ДПМНЕ дека инволвираните во случајот го криеле бруталното насилство врз десетмесечно бебе во клонот ,,Цветови’’ во Гевгелија. Тие денеска побараа одговорност не само од негувателките туку и од директорката но и од минситерката Тренчовска

,,Одговорните за инцидентотда бидат суспенидрани од работа, директорката Елизабета Стоименова да се разреши и да се поднесат соодветни пријави против вработените а министерката Тренчовска да си даде оставка и одговорност за криењето на настанот,, кажа Ангелина Петкова пратеник од ВМРО ДПМНЕ

Случајот од вторникот,  вчера беше пријавен и во полицијата од страна на таткото на десетмесечното бебе. Тој во пријавата навел  дека вработените во градинката ја запоставиле својата должност и ја оставиле неговата десетмесечна ќерка без надзор кога се здовила со повреди.

Инаку од почетокот на годинава Министерството за труд и социјална политика им ги одзеде ингеренциите на Општина Гевглија за детската градинка ,,Детска радост,,.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.