На приватен имот на радовишанец откриени бесправно исечени огревни дрва, полицијата најави пријава

2299
Вчера радовишката полиција во соработка со вработени од шумската полиција откри огревни дрва на приватен имот кои биле бесправно сечени, соопшти СВР Струмица. Огревните дрва се одземени а против 62 годишен радовишанец ќе биде поднесена соодветна пријава
,, На 21.04.2020 полициски службеници од Полициска станица Радовиш во содејство со вработени во Шумска полиција Радовиш на имот на Љ.Ј.(62) на ул.„Готен“ во Радовиш пронашле бесправно исечени огревни дрва. Дрвата се одземени и предадени во Јавното претпријатие „Национални шуми“ Радовиш, а по целосно документирање на случајот, против лицето ќе биде поднесена соодветна пријава’’ се вели во информацијата на СВР Струмица
Изминатиов период првиот човек на Радовиш Герасим Конзулов јавно реагираше за бесправната сеча на огревни дрва во полициски час од планината Плачковица и директно ги прозва шумската полиција и подружницата на ,,Национални шуми’’ во Радовиш да бидат поактивни на терен за да го спречат дрвокрадството.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.