На излетничкиот локалитет Динќут кај Гевгелија ќе има летно кино со капацитет од 50 посетители

574

На излетничко рекреативниот локалитет Динќут кај Гевгелија кој се уредуваше со европски пари од програмата за прекугранична соработка со соседна Бугарија, ќе има летно кино. Летното кино како што информираа од општината е уредено. Поставени се клупи од природен материјал, амфитеатрално распоредени за 50 луѓе, како и пано за проекции на филмовите.

Наскоро се очекува технички прием на овој локалитет каде има повеќе содржини за рекреација, спорт и забава, кои ќе бидат достапни за најмладите и постарите посетители. Најмладите ќе имаат детски игралишта едно со песочна подлога друго со опрема од природни матријали. Уреден е и простор со справи за фитнес и гимнастика
На целиот локалитет уредени се трим патеки опремени со реквизити за трчање и вежбање

Динќут се реализираше со финансиска поддршка од ИПА програмата со Република Бугарија за што општина Гевгелија доби околу 170 илјади евра. Таму  предвидено е поставување и видео надзор а деновиве се очекува да започнат работите за чистење и хортикултурно уредување на овој познат излетничко рекреативен центар за гевгеличани.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.