Најава за поројни дождови и грмежи, ЦУК со апел да се исчистат одводните канали

323

Управата за хидрометеоролошки работи (УХМР) предупредува дека времето наредните денови ќе биде нестабилно со повремени врнежи од дожд, што локално ќе бидат пообилни и поројни, проследени со грмежи и затоа од Центарот за управување со кризи (ЦУК) апелираат да се одржуваат и чистат локалните канали за одводнување и да не се фрлаат отпадоци во нив.

Под влијание на циклонска активност, утре попладне (11 март), во текот на ноќта и во вторник (12 март) времето ќе биде променливо облачно, на повеќе места нестабилно со врнежи од дожд. Локално, може да се очекува невреме со пообилен и пороен дожд (над 20 л/м2), проследен со силен ветер (над 70 км/х) и појава на грмежи.

„Сите итни случаи да се пријавуваат на Единствениот број за итни случаи 112 во ЦУК, особено кога граѓаните имаат животозагрозувачки ситуации“, велат од ЦУК

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.