Наковски волеј утре против Јанта – клучен меч за подобар старт во плеј офф пресметката за титула

498

Одбојкарките на Наковски Волеј утре го играат клучниот натпревар во мини лигата за подобра стартна позиција пред мечевите од плеј офф завршницата за Шампионска титула. На свој терен во СОУ „Димитар Влахов“ со почеток во 18 часот го пречекуваат тимот Јанта Волеј кој го добија пред неполни три недели во Скопје. Со победа струмичанки ќе бидат втори но и Јанта која е поискусна има свои математики и ќе се потруди да направи изненадување во Струмица.

,,Ќе биде тежок натпревар. Наша цел е да ја продолжиме успешната серија во мини лигата во која немаме пораз. Јанта е поискусна екипа и ќе се обиде да се реваншира овде во Струмица за поразот на свој терен. Но верувам дека со поддршка од публиката од нашите верни навивачи кои ќе бидат седмиот играч ќе направиме нов успех. Ќе биде доста интересен и борбен меч, но овој тим заслужува да направи исчекор повеќе во женскиот одбојкарски шампионат на Македонија и од втората позиција од свој терен ја почнеме битката за титула“, ни изјави тренерот Александар Митев

Инаку лидер е Работнички Скопје 14-3, втора е Јанта волеј КВ со скор 14-3, трети се струмичанки тимот на Наковски Волеј кои имаат скор од 13 победи и 4 порази а четврти се Фит Фан со скор 7-10.

Прва лига (жени), Втора фаза-1, (4.коло)
Фит фан волеј – Работнички Скопје (сабота, 17.00)
Наковски волеј – Јанта волеј (сабота, 18.00)

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.