Наковски Волеј со победа против Универзитет во Тетово, со борбена игра добија два сета на разлика

289

Одбојкарките на Наковски Волеј не се откажуваат од желбата за учество во плеј офф разврската за освојување на титулата во годинашниов шампионат. На гостувањето во Тетово славеа против  домашната Универзитет со 3:0 во сетови, и на своето конто прокнижаа нови три бода со кои имат реални шанси да се најдат во Топ четворката

Победата на струмичанки беше императив уште на стартот на мечот. Првиот сет го добија со 25:18 но вториот беше најинтересен и највозбудлив бидејки домаќинките не се предаваа. Наковски Волеј сепак успеа да го добие на разлика со 29:27 што ретко се случува во женската одбојка. Третиот исто така беше неизвесен, но присебноста на струмичанки резултираше да го добијат повторно на разлика со 26:24 за конечни 3:0.

Со ова победа Наковски Волеј има 16 бода и сеуште има шанси да избори пласман во најдобрите четири екипи после завршувањето на втората фаза кои ќе разигруваат за шампионската титула.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.