Наковски Волеј повторно подобар од Струмица Жени, славеше победа и во сала Парк

611

Наковски Волеј по вторпат во втората фаза од Првата одбојкарска лига славеше против градскиот ривал Струмица Жени. Во салата Парк во крајно неизвесен и со драматичен финиш избраничките на Хари Наковски и Александар Митев забележаа победа од 3:2 во сетови.

Тие победата ја најавија со првиот сет кој го добија со десет поени разлика на свое конто конкретно со 25:15. Во продолжение Струмица Жени одигра далеку подобро. Им се реваншираше веќе во вториот сет со 25:13. Налетот на избраничките на Атанас Милев  продолжи и во третиот сет кој  го завршија со 25:19 и поведоа со 2:1.

Но Наковски Волеј не се предаде. Успеа да го добие четвртиот сет со 25:22 за ново израмнување 2:2. Победникот мораше да се одлучува во тајбрејкот кој го доби Наковски Волеј со 15:13 благодарение на мудрата игра во клучните моменти

Наковски Волеј останува на втората позиција на табелата додека Струмица Жени кој веќе неколку кола е без победа се четврти. Со оглед на налетот на Јанта се поизвесно е дека во плеј офф пресметката двата струмички тима нема да се соочат

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.