Наковски Волеј го надигра Фит Фан и како втор од својата група оди во новата лига за титула

793

Одбојкарките на ,,Наковски Волеј’’ од Струмица во рамките на последното првенствено коло забележаа убедлива победа против ,,Фит Фан’’ и како втори од Групата А обезбедија пласман во Втората фаза за титула. Во салата при СОУ ,,Димитар Влахов,, избраничките на Наковски и Митев со одлична игра не му дозволија на дебитантот да се избори за пласман во втората полуетапа, каде најверојатно ќе се приклучи Универзитет Тетовоа ако слави над Македонија Макс

Наковски Волеј на своето конто собра 13 бода. Има 4 победи и два пораза и е веднаш зад Вардар Жени 2019, додека како трети ќе бидат тетовчанки. Како што објавивме во новата лига која ќе брои 6 екипи ќе се игра секој со секого 10 кола а поените се префрлуваат

Во Лигата од 6 екипи за титула ќе играат Вардар Жени, ЈВ Кисела Вода како први од двете групи, второпласираните Наковски Волеј и Работнички Скопје и третопласираните Струмица жени и како што кажавме Универзитет Тетово кој утре треба да ја завери победата над младите струмичанки.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.