Над 800 граѓани од Југоистокот сториле прекршок оти неноселе маски, најмногу во Струмица, Гевгелија и Радовиш

3353

Над 800 граѓани од Југоистокот, досега биле затекнати од полицијата како не носат заштитни маски или опрема за лична заштита на лицето од воведувањето на мерката  од страната на Владата. Сите тие се соочуваат со казни од по 20 евра, со оглед дека не се придржувале кон Владината уредба која беше донесена на 23 април а примената со санкции за прекршителите почна од 1 мај.

Од воведувањето на ова мерка или конкретно од кога стапија на сила и санкциите или од почетокот на мај, полицијата до завчера, најмногу прекршоци има евидентирано на подрачјето во Струмица. Според информацијата од СВР Струмица, 281 граѓанин од струмичко, биле затекнати без маски и направиле прекршок. На подрачјето на полициската станица Гевгелија 191 граѓанин не носеле заштитни маски или опрема за заштита на лице а во Радовиш се забележани 178 прекршоци. Прекршоци по овој основ направиле и  125 валандовчани, стои во информацијата од СВР Струмица .

,,Уредбата определува дека секое домашно или странско физичко лице  е должно да носи лична заштитна опрема на лицето при излегување надвор од својот дом, односно при движење на јавни места и површини од отворен и затворен тип, на пазари, во јавен превоз и при влез во затворени простори  (државни институции, маркети, продавници, банки, пошти, чекални, здравствени институции и слично),, објави Владата при донесувањето на ова уредба која ги предвиде и казните

Глоба во износ од 20 евра во денарска противвредност, ќе се изрече за прекршок на секое физичко лице ако постапува спротивно на одредбите од оваа уредба со законска сила а глоба во износ од 2.000 евра во денарска противвредност, ќе се изрече за прекршок на секое правно лице ако во нивните простории не обезбедат или затекната физички лица без заштитна опрема.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.