Отсекот за превенција при СВР Струмица заедно со преставници од Полициската станициа за безбедност во патниот сообраќај во партнерство со РСБСП и Глобал Шејперс денеска на повеќе лошо паркирани возила по струмичките улици има доставија флаери -патни налзои со порака за совесно и одговорно паркирање.
Во акцијата беа вклучени и членови од училишните сообраќајни единици формирани од општинскиот совет за безбедност на сообраќајот по патиштата. Тие заедно со униформираните полицајци на улиците “1-ви Мај“ со “Дебарска“; Булевар “Гоце Делчев“ со ул.“Младинска“ и ул: “4-ти Јули“ со ул.“Братство Единство“ во Струмица детектираа над 100 несовесно паркирани возила, на кои им беа оставени флаери во вид на патни налози дека како учесници во сообраќајот непрописно се паркирале
Како што кажаа целта на ова акција е да се подигне свеста кај возачите и да не ги паркираат возилата на позиции со кои го узурпираат просторот на пешаци, велосипедисти или пак ја загрозуваат безбедноста во сообраќајот.
На несовесните возачи кои неправилно ги паркирале своите возила им беа оставени Прекршочни платни налози со едукативна содржина и порака: Разбуди ја свеста за одговорно паркирање со апел: ,,Безбедноста во сообраќајот нека биде ваш приоритет! Без изговори и без оправдувања! За непречено движење на сите учесници во сообраќајот – ПАРКИРАЈ СОВЕСНО, ПАРКИРАЈ ОДГОВОРНО!’’
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
