Мултиплицирачки настан во О. Ново Село на проектот ,,Платформа за обука за работа со Е – Влада“

533

На 25 февруари 2023 во големата сала на ресторан Сонце – Борисово, Општина Ново Село, се одржа финалниот мултипликативен настан во рамките на проектот „Платформа за обука за работа со Е- Влада“, договор број 2020-1-BG01-KA227-ADU-095128, финансиран во рамките на програмата Еразмус+.

Координатор на проектот е Видинска трговско-стопанска комора од Бугарија, партнер од Романија е здружението „Олтенија за 10“, а од Северна Македонија е Младинското здружение ФЕНИКС – Ново Село.Настанот се одвиваше со голем интерес. На мултипликативниот настан учествуваа над 90 луѓе, претставници на културни институции, бизниси од културната и креативната индустрија, локални власти, заинтересирани граѓани и медиуми.

Беа презентирани резултатите од проектот (E-learning Hub – едукативна платформа за работа со електронски услуги, видео прирачник за работа со електронски услуги обезбедени од државната администрација, теренска студија за подготовка на збирна листа на електронски услуги со кои корисниците наиделе на проблеми кои треба да бидат вклучени во видео упатствата и прирачникот за работа со електронски услуги). Развиените интелектуални производи беа високо ценети. За двата прирачници особено голем интерес покажаа претставниците на културните организации кои ја истакнаа корисноста на платформата и видеата на кои се прикажани лесни чекори за работа со различни електронски услуги што ги обезбедува државната администрација.

Учесниците на настанот разговараа за можностите за надградба на проектот и развој на нови корисни алатки кои би можеле да ја олеснат работата на културните институции.

На крајот на настанот, претседателот на Младинското здружение ФЕНИКС – Ново Село, г-дин Ацо Крлев, им се заблагодари на сите учесници за нивното присуство и за добиените повратни информации за производите развиени во рамките на проектот.

Повеќе информации за проектот, како и за сите развиени интелектуални производи, можете да најдете на E-learning Hub – едукативна платформа за работа со електронски услуги https://digi-learning.net/

Секој што наидува на проблеми при работа со дигитални сертификати или кога користи електронски услуги обезбедени од различни институции може да има корист од видео лекциите развиени во рамките на проектот. Потребно е само секој поединец да се регистрира на платформата. Регистрацијата е брза и лесна. Пополнете само име и презиме, е-пошта, корисничко име и лозинка.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.