Музичкото училиште во Струмица ќе добие уште еден кат за нови кабинети за изведување настава

446

Градежна екипа на фирмата ,,Атриум’’ од Вевчани која го доби тендерот на Министерството за образование, почна со отстранувањето на кровот на музичкото училиште Боро Џони во Струмица каде треба да се изгради нов кат и кровна конструкција. Вкупната инвестиција со ДДВ согласно потпишаниот договор меѓу Атриум и МОН изнесува 13, 2 милиони денари или 214 илјади евра. Градежните работи треба да бидат завршени во рок од 9 месеци што значи дека до почетокот на новата учебна година, ОМУ ,,Боро Џони” од Струмица ќе добие дополнителни простории за изведување на наставата.

Првиот човек на општина Струмица Костадин Костадинов заедно со советници и дел од општинската адмистрација, денеска беше на увид на работите при што истакна дека новата инвестиција во образовните институции во Струмица е резултат на соработката меѓу локалната и централанта власт и во услови на економска криза.

,,Струмица успева и во време на сериозни кризи. Особено е важна соработката меѓу локалната и централната власт. Со проект на МОН вршиме надградба на самиот објект изграден од 1991. Тогаш имало 13 вработени и 120 ученици а сега 24 вработени и над 300 ученици. Сето тоа ни дава за право да го реализираме овој проект. Во овој опфат ќе се изградат  повеќе кабинети и административни простории и ќе ги ги подобриме условите за настава. Паралелно обезбедуваме целосно енергетска ефикасна фасада на целиот објектот. Со овој проект односно негова реализација, Струмица ги има реконстрирано сите образовни институции,, рече Костадинов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.