Мотоциклист почина а три лица се повредени во сообраќајка на патот од Радовиш кон Плачковица

1939

38 годишен радовишанец кој управувал мотоцикл ,,јамаха” им подлегна на повредите во вчерашната сообраќајка со патничко моторно возило ,,голф” што се случи на патот Радовиш- планина Плачковица кај месноста ,, Еренџе” .  Мотоциклистот по сообраќајката со тешки телесни повреди бил префрлен во штипската болница каде им подлегнал на повредите. Во штипската болница се преврлени и возачот на голфот и два сопатника со него кои се здобиле со телесни повреди информираше МВР

,,На 26.07.2020 во 16.15 часот во Полициската станица Радовиш било пријавено дека на регионален пат Радовиш – планина Плачковица, на место викано „Еренџе“, се случила сообраќајна незгода помеѓу мотоцикл „јамаха“, со радовишки регистарски ознаки, управуван од Б.Е.(38) од Радовиш и патничко возило „голф“, со радовишки регистарски ознаки, управувано од И.А.(28) од Радовиш. Во незгодата, со тешки телесни повреди се здобил возачот на мотоциклот, констатирани во Медицински центар Штип, каде им подлегнал на повредите. Со телесни повреди се здобиле И.А. и сопатниците В.Ј.(28) и М.С.(25), кои биле пренесени на лекување во Медицински центар Штип. Увид на местото извршиле Јавен обвинител и екипа од Одделението за внатрешни работи Радовиш,, стои во соопштението од МВР

Дежурен јавен обвинител од Основното јавно обвинителство Радовиш вчера изврши увид на регионалниот пат Радовиш-планина Плачковица, каде во сообраќајна несреќа едно лице го загуби животот.

Според првичните сознанија, до несреќата дошло кога мотор марка Јамаха, управуван од едно 38-годишно лице, удрил во патничко моторно возило Фолксваген голф со кој управувал возач на возраст од 28 години. Од ударот, моторот излетал надвор од коловозот, во стрмен дол. Со итна медицинска помош моторциклистот веднаш е префрлен во штипската болница, каде им подлегнал на здобиените повреди. Возачот и двајца сопатници во голфот се здобиле со телесни повреди.

Јавниот обвинител издаде наредби за обезбедување на трагите пронајдени на лице место, а местото е фотографирано и скицирано. Издадена е наредба за обдукција на починатото лице, како и за анализа на примероци од крв и урина од возачот на другото возило. Дополнително, во насока на утврдување на причините за сообраќајната несреќа, по наредба на јавниот обвинител ќе се врши сообраќајно вештачење.​

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.