Млади се едуцираа за климатските промени кај река Сушица во Радовиш која доби уредено корито (фото)

166

Центарот за развој на Југоисточен плански регион, организираше дружење и забавни игри  со кои ги едуцираше младите од Радовиш и Струмица за климатските промени  и заштита од  природни катастрофи. Сите активности  се реализираа кај реката Сушица во Радовиш која доби нов изглед  односно уредено речно корито а беше една од критичните точки при секои поројни дождови. Сите овие активност се дел од проектот ,,Заеднички активности за спречување и да ги намалат последиците од катастрофи во општините Сандански и Радовиш’’ кој е кофинансиран од Европската унија преку Програмата Интеррег-ИПА за прекугранична соработка помеѓу Република Бугарија и Република Северна Македонија

,, На младите им објаснивме што значи тоа заштита на природата и климатските промени и како во иднина да ја заштитиме животната средина и да се грижиме за неа со цел да обезбедат за себ и за идните генерации подобар живот. Настанот со многу квизови од геогравија и екологијата но и забавни игри поврзани со водата како ресурс,, рече Ѓуркова која на младите основци и средношколци им додели сертификати за учество во овој проект кој има за цел и подигнување на јавната свест за значењето на климатсктие промени

Со овој проект целосно се изврши регулација на река Сушица во должина до околу 600 метри. Денеска симболично беа засадени и неколку дрвца но озеленувањето на кејот на ова река ќе се случи наесен кога условите ќе дозволат наспроти сегашните високи температури. На овој начин се очекува да се зголеми и безбедноста во овој дел на Радовиш со оглед дека река Сушица во минатото знаела да се излее и да ги поплави околните објекти

,, Проектот финишира и се надеваме дека ќе ги даде очекуваните резултати. Нашата порака е јасна. Треба да се грижиме сите за природата и да ја чуваме за да ни служи на сите нас и да ни го подобри животот,, рече Ѓуркова

Проектот го имплементираше Центарот за развој на Југоисточен плански регион во партнерство со општините Сандански од Бугарија и Радовиш од македонска страна

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.